الإثنين 04 مارس 2024
20°اسطنبول
27°أنقرة
31°غازي عنتاب
26°انطاكيا
29°مرسين
20° اسطنبول
أنقرة27°
غازي عنتاب31°
انطاكيا26°
مرسين29°
34.06 ليرة تركية / يورو
39.73 ليرة تركية / جنيه إسترليني
8.62 ليرة تركية / ريال قطري
8.37 ليرة تركية / الريال السعودي
31.39 ليرة تركية / دولار أمريكي
يورو 34.06
جنيه إسترليني 39.73
ريال قطري 8.62
الريال السعودي 8.37
دولار أمريكي 31.39

تعليقات مضحكة .. الردّ على مؤتمر دمشق بلسان موالي نظام الأسد

12 نوفمبر 2020، 10:34 م
المؤتمر الدولي لعودة اللاجئين في دمشق
المؤتمر الدولي لعودة اللاجئين في دمشق

عائشة صبري - آرام

لاقى "المؤتمر الدولي لعودة اللاجئين السوريين" المنعقد في العاصمة السورية دمشق، سخرية واسعة من المعارضين والموالين لنظام الأسد على وسائل التواصل الاجتماعي.

ورصدت شبكة "آرام" مجموعة من التعليقات لموالي الأسد عبر صفحاتهم على موقع "فيس بوك"، حيث تضمنت في معظمها تهكماً على الواقع المعيشي الذي تشهده مناطق سيطرة النظام من أزمات في المحروقات والخبز والكهرباء وغلاء معظم المواد الاستهلاكية والمعيشية.

وفي تعليقات على منشور بصفحة "شبكة أخبار حمص الأسد 24/24"، حول تصريح المبعوث الخاص للرئيس الروسي إلى سورية، أنه "على اللاجئين أن يعلموا أنه لا يوجد ما يخشونه فالحكومة السورية والشعب السوري بانتظارهم وسيتم توفير كل ما يلزم من أجل عودتهم وتوفير حياة كريمة لهم".

كتب إيهاب معروف: "خلينا نحنا أول شيء نلاقي مستلزمات الحياة بعدين ليش ليرجعو عمرينن أبدنا ياهن، بالناقص، مو أحسن متصيروا توزعولنا نص ربطة خبز كل يومين أو السكر والرز كل ٦ شهور أو نوقف عالمازوت والبنزين ٣ أيام خلينا نوقف ٤ ساعات أفضل مو هيك ولا أنا غلطان".

واستهزأ أغلبهم بكلمة "كريمة" فمنهم من كتب: "كريمة بتسلم عليكن وبتقلكن أهلا وسهلا فيكن"، وآخر، "اللّـه يرحما لكريمة ماتت وبنفسها اليبرق"، وأخرى "أي كريمة وعزيزة وسعيدة وهنية وذكية".

وكتبت الموالية Remah MH: "أنتو وفرو الحياة الكريمة ليلي ضل يدافع عن الوطن لوقت ما حضرتكن ترجعو اللاجئين يلي هني سبب خراب هالوطن الشهداء يلي راحت بسبب هدول يلي رح ترجعوهن للوطن". واستهزأت Marinas Mari بتعليقها: "كمين يا أمة الله كمين وك ماترجعو أو قلكون رجعو ونحنا منطلع بدالكون متل تبادل الأسرى يعني".

بينما تهكمت نور سليمان، بقولها: "والله ممكن يرجعو يلاقو كل شيء تمام لأنه يمكن يسحبو ما تبقى من حق المواطن ليعطوه لللاجئين ليكسبو ودهم على حساب المواطن المعتر المعروض كحقل تجارب للحكومة وقياس قدرته على تحمل الضغوط؟".

قاسم الحميدي كتب: "داخل سوريا بنظام 6 مليون وميتين جوع لو يرجعو ويصيرو 25 مليون كان أكلو تراب". وأشار أسعد مرعي بقوله: "والله هادا المبعوص الخاص شكلو ما بيستحي على حالو ليش ما بيوفر حياة كريمة للموجودين بالبلد".

وفي بث مباشر على قناة السورية للمحلل السياسي سمير أبو صالح والباحث القانوني نعيم آقبق، علّق Karam Nh: "ريتك تلحس رجلي .. ما دام عم يقول أنو المانيا استغلت اللاجئين لانن شعب فتي وشاب والألمان كبار بالعمر.. ليش ما سوريا استفادت من هالشباب وقت كانو بالبلد؟ يلعن اللي ربط الكر وفلتكن".

وانهالت التعليقات الساخرة على منشور لشبكة "دمشق الآن" ومنها: ما كتب Ali Gahfr: "كل برات بلد معارضة شلون بدهم يرجعو فهمونا بقا ع الموت". Gasm Abo Mohmd تساءل: "ما أعرف أنتو عم تضحكوا على حالكم ولا علينا ولا علي عالم الي برا ولا ولا....؟ صارة حياتنا عباره عن كذبة وبدك تصدقها إن شئت أو أبيت واقع مفروض عليك".

بينما رأت Jana Kassab أن ما يحدث مجرّد هراء بقولها: "يالله شو منحب العلاك نحنا اكتر حدا ممكن يصير عنا اجتماعات منفوت منحكي ومنحكي ومنحكي ... وقت بدك تعزم واحد عالغدا بدك تحط كلشي عندك لتبيض وجهك وإذا ما عندك قدرة فلا تعزم ... فكيف أنتو بدكن ترجعوا اللاجئين إذا ما معكن طعمونا لعمى شو مسخرة".

أما الموالية Samar Marouf، فردت على وسم لن نعود والأسد موجود بقولها: "اللي بقرا التعليقات بفكر أنو الدولة قاتلة حالا يرجعو اللاجئين من برا، لك يا عيني مازال صار في مؤتمرات واجتماعات كل واحد لجأ برا سوريا حضروا حالكن للتقليع برا بلادهن بس بطريقة مؤدبة وبلاها لن نعود ولن مدري شو".

فيما علّقت Rasha Alsayed: "صبرك يا رب طيب يعملون شي مؤتمر لعودة الخبز لعودة المازوت والله ممكن يكون مفيد أكتر". وكتب أنس اليوسف: "عودة شو لك روحي .. أنتو لازم تعملوا مؤتمر لإخراج ما تبقى من السورين بسورية".

وفي صفحة "صوت وصورة من طرطوس 2" كتب Bashar Reda: "أنا من جهتي ناطر اليوتيوبر جواني وبيسان ملاقيلون على حدود إذا بكمشون بدي أفسخون ع دوار الساعة".

وكتبت Narnj Sy: "بربي شي بضحك خلين يوفرو الحياة الكريمة للموجودين وبعدين يقولولن يرجعو ولا تخافو البطاقة الغبية بانتظاركم وأهلا وسهلا فيكن ببلد الطوابير".

أبو خالد يحي علّق: "الحكومة السورية تعلن بأنه كل من سيعود إلى أرض الوطن سيتم وضعه في الحجر الصحي في فرع فلسطين 14 سنة.. والله ولى الأمر والتوفيق".
تعليقات.jpg
ومن يتابع الصفحات الموالية يجد الحقد يملأ نفوس موالي الأسد على اللاجئين خارج سوريا، فهم لم يكتفوا بسرقة منازلهم وتهجيرهم قسراً بل يحسدونهم على ما هم فيه من لجوء، كما يتمنون لهم الموت في معظم التعليقات.

وأنشأ مجموعة شباب صفحة تحت اسم "الوكالة الطرطوسية للأنباء TNN" وتتضمن منشورات تهكمية للحديث عن عودة اللاجئين ومنها: "بسبب الضغط الشديد على الموقع خلال اليومين الماضيين .. أنباء عن تعطل موقع السفارة السورية في برلين ومصدر في السفارة يؤكد أن عدد الزيارات للموقع تضاعفت ما أدى إلى أعطال في الخادم".

وقالت الإعلامية الموالية فاطمة علي سلمان على صفحتها في فيسبوك: "اذا اللي بالبلد عم يحلمو يطلعو حتى عالموت ع ليبيا أرمينيا صوماليا بقا كيف بدكن تقنعو إلي عايش بأوروبا ومعه خمس ولاد وميقبض شهريا شي 15 مليون ليرة يرجع!".

اقرأ أيضاً: سوريون يرفضون مؤتمر عودة اللاجئين على طريقتهم

شاهد إصداراتنا